الضميرــEXCLUSIVEــالعربى

[b]سلم يا كميل سلم
تشكر يا كبير عالاوبريت....
وياريت نفكر كونا عرب ونشوف الي لينا ولي علينا ونصلح دات بينا ونخلي الاسلام دسترنا
والسلام عليكم ورحمه الله
تقبل مروري يا غالي

الاغنيه دي مش الاغنيه الكامله بس تمام يبني المهم الاغنيه تجيب تأثير يعني
وتسمحلي ومعلشي يا اسلام انا هحط لينك الاغنيه الكامله وهحط لينك الكليب

وشفانا الله وعفانا جميعا ههههه انا قايم اروح بيت الراحه .. ربنا ما يوريكو الزنقه اللي انا فيها

ومن هنا بشجب وبعترض على الرسمة اللي على العلبه البوكس ههههه هيخربو بيتوتنا الله يخرب بيوتهم

thanx yad

ايه الشكل المستفز دا

يا ناصح هو انت بتدور على الاكسكلوسيفات والتميز ؟
ولا بتدور على انك توصل الاغنيه للكل والكل يسمعها ؟
دي اسمها الضمير . يعني تنزلها عشان تصحي الضمير

انا مش بعلم عليك يبني والله انا منزلها مش اكتر من ان عشان الناس يسمعوها
عشان اللي يسمعها ويتأثر يعمل اي حاجه
ولو يدعي ويقول يارب

اسلام بص يبني دي مش اغنية . دي نداء استغاثه

الناس اللي اليهود بيتقولهم دول فلسطينيين او عراقيين مش عايزين مننا حاجه
مش طالبين مننا اكتر من دعوه ندعيهالهم

مش عايزين اكتر من اننا نقول ربنا معاهم وندعي ان اللي فيهم دا ينزاح

احنا مش في ادينا الا اننا ندعيلهم

واكدب عليك لو قولتلك في ادينا حاجه اكتر من كدا

بس من حقهم علينا نبين تعاطفنا معاهم . نتضامن معاه .
عايزين نتجمع مع بعض بقى ولو لمره واحده
لو حتى نتجمع في الاحساس

وعالعموم تشكر يا غالي على الاغنيه سواء بتبص للاكسكلوسيف والانفراد
او سواء بتبص على انها نداء استغاثه

عارف لو احنا مكان الفلسطينيين دول
صدقني هتحتاج انك تحس ان فيه حد معاك
تحتاج تحس انك مهم عند حد
هتحتاج تحس ان فيه حد بيقول يارب عشانك

دا انت لو تعبان ومريض هيبقى نفسك حد يطيب بخاطرك ويقولك ربنا يشفيك
هتفرح ان فيه ناس بتدعيلك بالشفا

بس دول مش بيمرضو ولا بيعيوا
دول بيتقتلو وبيموتو لا وكمان بيتهانو ويتعذبو وبعدين اليهود يحنو عليهم ويريحوهم ويقتلوهم

احساس وحش اوي لما تبقى قاعد في بيتك وخايف صاروخ ينزل على بيتك يضيع بيتك ويضيعك ويموتك ويضيع اهلك ويضيع كل حاجه

احساس وحش اوي انك تبقى ماشي في الشارع بتبص شمال ويمين وقلقان وخايف حد يقتلك

لو سمحتو عايزين اننا نحس بيهم شويه

ندعيلهم بس

ويا اسلام لتاني مره انا مش جاي اعلم عليك ولا اعمل نمره وانا متاكد انك والكل مخنوق زيي او يمكن اكتر مني بسبب اللي بيحصل في العراق وفلسطين دا وفلسطين بالاخص لانهم بيشوفو العذاب دا من سنين السنين

لازم نتخنق لازم نتأثر لازم نتحرك لازم ندعي

كلنا اخوات يا جماعه وحيات ربنا كلنا اخوااااااات

خلونا نقول يارب
خلو كل الدنيا تقول يارب

هو احنا لينا الا ربنا نلجأ ليه في الشده ؟

هو احنا لينا الا ربنا يطمن قلوبنا ؟

"" الا بذكر الله تئطمن القلوب ""
صدق الله العظيم

لو اعتبرنا اوبريت الضمير العربي دا مجرد اغنيه يبقى مش هنتحرك لاننا غنينا كتير وعلى الفاضي

انما لو اعتبرناه نداء استغاثه من غريق محتاج لاي حد يمدله ايده ويساعده يطلع من الغرق
صدقوني هنتحرك

لو احنا حجر ونشوف المناظر الوحشه دي والانتهاكات اللي ملهاش اول ولا اخر دي
هنحس
هنبكي

فيه منظر في الكليب ست كبيره اليهود مسيبين عليها كلب
كلب قدها في الحجم كدا
الكلب مسك في دراعها مش سايب دراعها

تخيلو امهاتكم في الموقف دا

انا عن نفسي تخيلت ان اللي بيحصل في الفلسطينيين دا كانه بيحصل في اهلي
كانه بيحصل فيا

بجد عيطت

وحيات ربنا مش كلام بجد بكيت وبكيت اوي واتحرقت واتفحمت بجد

وانا مش بكلمك دلوقتي يا اسلام على اساس ان انا وعداني
النيك نيم في شات مكتوب

لا انا بكلمك على اني محمود

البني ادم اللي بيحس

انا عارف ان الكل مخنوق ومش مستنيين اني اجي اقولكم ادعولهم لانكم اكيد بتدعولهم من غير ما اجي اقولكم ادعو

بس انا تعبان ومخنوق من اللي بيحصل دا

حبيت احكيلكم وافضفض معاكم واقول رأيي
ما احنا اخرنا نقول رأينا في شات او في منتدى
اصل احنا في بلد اللي بيقول الحق فيها يتسجن
اللي يقول يارب ويحاول يصلح الفساد اللي في البلد بيضيع

كله بيخاف يتكلم ..
البلد اللي احنا فيها دي مش مديالنا حق اننا نتكلم
خدت مننا ابسط الحقوق كبني ادمين . ابسط الحقوق اني اتكلم

دا رسولنا قال في حديث . فيما معناه .. ان اللي يشوف منكر يحاول يغيره بايده ان مقدرش يحاول يغيره بلسانه

وانك تغير المنكر بلسانك دا اضعف الايمان

دول حتى مش عايزينا نغيره بلسانها

ههههههه ربنا يخليلنا بابا حسني اللي مشهيصنا ومروقنا ومش مخلينا عايزين حاجه خالص
فقر وعيشنا في فقر . اهانه وبنتهان . خنقه وخنقنا . ظلم وظلمنا
اظن لو طلبنا حجات اكتر من كدا بجد نبقى حاقدين ومش مقدرين الجوهره اللي في ادينا . وهي بابا حسني

انا بقول على حسني بابا حسني لانه فعلا بيعاملني زي ابنه
مش بيديني مصروف ومانع عني الفلووس دايما من اول ما اتولدت . لان طبعا كتر الفلوس وحش. عشان مصرفهاش في الهيافه . عشان مثلا ماتهفش في عقلي واروح اشتري بيها اكل واكل واشبع
اصله طبعا بيخليني طبعا طبعا طبعا اعمل ريجيم . عشان ما اتخنش . ربنا يخليه ليا بيخاف عليا وبيحاول يخليني دائما لائق وصحتي تمام
و هو بيحوشلي الفلوس وعاينهالي في دفتر توفير عشان لما اكبر الاقي ملاليم اكون بيها نفسي واشتري شقه وعربيه و و و و و يوووه حجات كتير هو مخليهالي مفاجئه


بس الراجل هيعمل ايه يعني ربنا يكون في عونه الواد علاء الكبير تاعب قلبه كل يوم يا بابا هات فلوس يا بابا هات فلوس . وجمال هو كمان طلباته كتيره اوي
ياجماعه لازم نعزرهم برضو دول بيدفعو كل شهر خمسه وعشرين جنيه اشتراك نت دي اس ال كل شهر ههههه والواد اللي في السيبر اللي هما موصلين منه بيعمل عليهم نت كت كل شويه

وسوزان مطالبها كتير . مش عارف ايه فلوس عشان الكوافير
ومش عارف ايه عمليات تجميل بالكوم
دا غير انها يا ولداه كل يوم بتخيط الجزمه القديمه المقيحه اللي عندها

على راي شاديه . ال ايه شرابي مدلدل وكاويه شعري بمكوة رجل هههه

ربنا يكون في عونه هيعمل ايه يعني يقطع نفسه
الحمد لله بياكل من عرق جبينه وبالحلاااااااال بالحلااااااااال
احلى حاجه فيه انه ماشي على نظرية الحلال ونظرية الديموقراطيه
هههه مش احسن ما يعمل زي اللي بينهبو وواكلين البلد في بطنهم .. زي ابويا مثلا كدا بينهب وبيسرق وماحلتهوش نكله هههه
حسني يعمل ايه بالله عليكم
يسرق مثلا ؟ ينهب ؟ هههههه
الراجل يا ولداه عشان مش عارف يجيب خدامه فلبيبينيه في البيت عنده
قام خلى 88 مليون مصري خدامين تراب رجل معاليه

ههههه اصل المصريين مش بياخدو رواتب عاليه زي الفليبينيين

هههه على رأي المثل الشعبي والمقوله المأثوره .. يا تقول كلام في محلو يا تقول حلو يا حلو

مش هاطول عليك ياض وربنا يقدرك دايما على الخير ويقدرنا كلنا على الخير

هههه يوووه منك لله نستني اقولك انك واحشني اوي وعايز اشوفك يبني

ومعزتك عندي من معزة الوله محمود حبيبك

ابن ابو العلا الفاشل ههههههه

سلام

الله الموفق ..