حركات البنات ايام الامتحانات !!!!!!!

عدد الرسائل : 4 العمر : 35 تاريخ التسجيل : 03/03/2008

السلام عليكم ورحمة الله وبركاته

جبتلكوا شوية حركات من اللى البنات بتعملهم ايام الامتحانات والمذاكرة وكدة

1-ال3 وجبات الرئيسية لازم تقعد من الاول للاخر لما تخلص ع الاكل كله(جعانة المسكينة حرام) وتزود كمان عليهم وجبات تانية لو كانت المادة اللى هتمتحنها دسمة شوية

2-وتقعد بقى مصدعة تعبانة مش قادرة مش عارفة ايه اللى حصللى اكيد حد حسدنى تقعد مامتها اسم الله عليكى يابنتى تعالى اقرا عليكى (كل ده علشان لو سقطت يقولوا عين)

3-بعضهم بقى ينزل عليه وسواس النضافة تقعد بقى طول النهار والليل وتستشور شعرها كل مرة طبعا مينفعش يبقى منعكش وتقعد تفكر ازاى هتروح الجامعةبكرة ولا المدرسة.

4-وواحدة بقى تسيب المذاكرة وتقعد تقيس فى فساتين السهرة اللى عندها عشان بعض الامتحان هتروح فرح واحدة صاحبة اخت صاحبتها ولازم تحدد هتلبس ايه من دلوقتى

5-وواحدة تنزل عليها صلة الرحم مرة واحدةفجأة تكلم واحدة صاحبتها من ايام الحضانة ماكلمتهاش وتقعد تستدرجها عشان تعرف هى وصلة لحد فين عشان الامتحان

6-وواحدة تنزل عليها الطاعة وتعمل العشا للبيت كله وتغسل المواعين وتقول لمامتها ياماما ريحى نفسك شوية انتى طول النهار بتشتغلى

7-وواحدة واحد متعرفوش يرنلها ع الموبايل تروح متصلة وتقلبها تشات معاه وماتدراش بنفسها الا قبل الفجر بساعتين

8-وواحدة ايام الامتحانات تحصلها حاجات غريبة كل شوية نفسها فى اكلة معينة مش موجودة ومامتها ايه يابنتى عاوزة ايه نفسك فى ايه بس وانا اجيبهولك (عشان تفتح نفسها ع المذاكرة) وماتعرفش ان الكلام ده كله هيخلص بعد الامتحانات وهتلاقى نفسها زايدة 4 كيلو ويمكن اكتر كمان

تحياتي لعسولات المنتدي
حركات البنات ايام الامتحانات !!!!!!! 262372

حركات البنات ايام الامتحانات !!!!!!! 262372

هههههه وربنا شكلك كنت بتعمل حركه من دول ايام المدرسه هههه

وتقبل مرورى

يعنى مفيش الا البنات
نفسى اعرف انتوا حطينا فى دماغكوا ليه
متنسوش انكم من غيرنا متعرفوش تعيشوا
بس بجد حلوه
تسلم يا عسل

هههههههههههههه
حلوه
بس حرام عليك كل ده البنات بتعملوا
وانتو بتعملوا ايه بقى

ههههه احنا..
عايزه تعرفى يا مارام احنا بنعمل ايه هههه
اللى فجأه يعمللى فيها رياضه ويقضى نص يومه فى الجيم
واللى ياخد خمسين درس فى كل ماده ويقضى يومه كله بره البيت .. وال ايه ال فى الدرس ال
واللى يستشيخ وينزل يصلى كل الفروض بالسنن فى الجامع .. مهو عشان ربنا يكره بقا وينجح ههه
يعنى اهو اى هروب من المذاكره والسلام ههه