الدنيا شكرا

الاغنيه دي على شباب الجامعات . او عامتا العلاقه بين الشاب والبنت في الجامعه
او هي مش اغنيه هي سخريه من اللي بيحصل
_______________________________________________________________________

الدنيا شكرا خرجت برا الضمان
والعقل خلاص بقى في الضيعان
الحياه بقت مش تمام ،، عامله زي الزبادي بالبتنجان

طول اليوم كول مي ورنه وبتاع
حياتنا عامله زي الكشري بالنعناع
ولو حد نصحنا نصيحه نقوله ياعم فكك بطل صداع

كل يوم والتاني تطلع افتكاسه جديده ،، ومعادش فيه فرق بين بنت وشب
وعمرنا ما نفكر نعمل حاجه مفيده ،، اخرنا نمص مصاصه و نقزقز لب

الروش ماشي معرضها وضارب السلسله والآيس كاب
ويروح يشحن بفلوس الكتاب ،، وتلاقيه مشكك في كل قهوه وفاتحلو فيها حساب

ويحول رصيد للمكنه , مع انها بتكون شاحنه

بس لازم يرسم ادامها دور الواد الفاييس
وهو كل اللي بيعملو دا هيروح فطيس

وتيجي موزه معدية ماشيه بتتدلع
والبنطلون لازق على جسمها وخلاص هيفرقع
كل واد يشوفها يقول يالهووي خلاص هولع

الشباب جابت اخرها وضايعه وتعبانه
ومش عارفين ايه اخرها خلاص بقى ربنا معانا

كيمو وسوسو علطول مع بعض .. واقفين قاعدين لازقين في بعض
راسمين فيها دور الحب . وهما بيصيعو على بعض

سوسو عايشه دور الولهانه وهو عامل فيها عم الحبيب
الاموره تطلب اللي عايزاه والباشا يحاسب عالمشاريب

والحلو العسول يكع ويدفع وهو فرحان
ويبقى نفسو تطلب حاجه كمان
ماهو مش حاسس بحاجه ماهو مش غرمان

كل اللي عايزو ينول رضا الاموره
وهي بتلعب بيه كوره

سوسو تدلع عليه شويه .هئ ومئ وضحكه بحنيه. يقول ايه البت دي واقعه فيا .. فل انا نشنت في الجون
وهي بتاخدو تحت باطها .عشان ينفذلها كل طلباتها. تقولو الحاجه دي هاتها .. يجيبها اوام تقوله اشطه دا انت زبون

كيمو تبع شلة السلاسل والكنيش
وسوسو عادي ما بتختشيش

سوسو عندها كلو ايزي كلو فرري ,, اعمل اللي انت عايزو ومش هتقولك انت بتعمل ايه
طب ما تصبريني ببوسه يا سوسو !! من عنيه حبيبي اوكيه

طب انا عندي شقه فاضيه في المهندسين
ما تيجي نبص عليها بصه احنا الاتنين

اوك كيمو حبيبي يلا بيناا
بس هقعد انا وانت لوحدينا !!

لا طبعا ماتقلقيش ، هو انتي يعني ماتعرفيش
الشيطان سبقنا على هناك وزمانو مستنينا

الشيطان معانا يعني احنا مش لوحدينا ،، يلا يا سوسو بقى الشيطان مستنينا

الرجالة طول الليل بتولع وتفرد وتشد ، وتعلق احلى دبوس تعمل بيه اجمد هد
والبت تقولك اسمي نانا وهي اسمها ام السعد . والشاب مش فارقه معاه نانا ولا خديجه اي حاجه تسد
والكل مسقع دماغو وشارب مية ورد

الكل منفض وعايش سنو
كلو هاي ودماغو طايره منو

ما الدنيا شكرا خرجت برا الضمان
والعقل خلاص بقى في الضيعان
الحياه بقت مش تمام ،، عامله زي الزبادي بالبتنجان